360° ráðgjöf

360° ráðgjöf er persónusniðin ráðgjöf þar sem farið er yfir fjármálin þín frá öllum hliðum, stöðuna í dag og framtíðarmarkmið.

Það er gott að vita hvar maður stendur

360° ráðgjöf er persónusniðin fjármálaráðgjöf sem öllum viðskiptavinum Landsbankans stendur til boða þar sem þú sest niður með ráðgjafa og ferð yfir fjármálin þín frá öllum hliðum; lán, sparnaður, lífeyrissparnaður, tryggingar, þróun, staðan í dag og framtíðarmarkmið.

Velgengni í fjármálum snýst ekki bara um að ná endum saman og forðast óþarfa útgjöld og lán. Fjármál tengjast öllu sem við tökum okkur fyrir hendur.

Velkomin í 360° ráðgjöf


Sparnaður er hluti af því að kortleggja framtíðina

Í 360° ráðgjöf Landsbankans er farið yfir framtíðarmarkmið og sparnað frá öllum hliðum.

Ef þú getur beðið, þá er alltaf ódýrara að spara fyrir því sem þú ætlar að kaupa eða gera. Ráðgjöf og góðar ráðleggingar frá fólki sem þekkir til getur verið fyrsta skrefið í að komast á áfangastað.

Landsbankinn býður fjölbreytta sparnaðarkosti; lífeyrissparnað, úrval innlánsreikninga, sparnað vegna íbúðakaupa og sjóði.

Þér býðst einnig sparnaðarráðgjöf sem miðar að því að aðstoða viðskiptavini við að byggja upp sparnað.


Það getur munað miklu að njóta bestu kjara sem eru í boði

Í 360° ráðgjöf er farið yfir lánamálin og hvort að tækifæri sé til að hagræða þeim fyrir þig. Hvort sem um er að ræða lán til lengri eða skemmri tíma þá er mikilvægt að vita að kjörin sem þú færð séu góð og að þú hafir skýra áætlun um það hvernig og hvenær lánin eru greidd niður.

Minniháttar breytingar á vöxtum íbúðaláns geta t.d. breytt greiðslubyrði talsvert.

Ef lánin eru mörg getur borgað sig að sameina þau og sömuleiðis þarf að gæta þess að greiða fyrst niður óhagstæð lán

Lán og fjármögnun


Lífið eftir vinnu á að vera ánægjulegt

Í 360° ráðgjöf er farið yfir þær ráðstafanir sem þú hefur gert fyrir efri árin og hvort að tækifæri sé til úrbóta.

Þegar þú hættir að vinna þarftu að lifa á því sem þú hefur eignast um ævina. Lögbundinn lífeyrissparnaður tryggir þér lágmarksframfærslu en er oftast lægri en launin sem þú ert með við starfslok. Algengt er að tekjur lækki um allt að 50% þegar starfsævinni lýkur.

Með því að leggja fyrir í viðbótarlífeyrissparnað og gera áætlun um lífið eftir vinnu geturðu lagt mikilvægan grunn að áhyggjuleysi eftir að þú lýkur störfum.

Lífeyrissparnaður

Viltu fá betri yfirsýn yfir fjármálin?

Það kostar ekkert að koma í 360° ráðgjöf. Hér að neðan getur þú óskað eftir 360° ráðgjöf.
Veldu það útibú sem þú vilt að verði í sambandi við þig.